Таван жилийн хугацаанд 16 хүүхдэд зүрхний мэс засал хийжээ
ОРОН НУТГИЙН МЭДЭЭ | УВСУвс /МОНЦАМЭ/. Солонгос Улсын Мирал зүрхний сангийн захирал И.Жан-Жэ тэргүүтэй эмч нарын баг өнгөрсөн долоо хоногт Увс аймагт ажиллаад буцлаа.
Тэд 2011 оноос хойш Увс аймагт ирж хүүхдийн зүрхний
мэс засал хийж байгаа бөгөөд сүүлийн 5 жилийн хугацаанд 16 хүүхдэд зүрхний
мэс засал хийсэн байна. Анхны мэс засал хийлгэсэн охин өдгөө 12-р ангиа
төгсөж,
эмч мэргэжлээр суралцахаар болжээ. Доктор И.Жан-Жэгийн
мөрөөдөл нь
зүрхний мэс засал хийлгэсэн хүмүүсээс Монголын ирээдүйн ерөнхийлөгч төрүүлэх явдал аж. Түүнийг дагалдан Мирал зүрхний сангийн хүүхдийн зүрхний мэс заслын эмч,
зүрхний ЭХО-н эмч, сэхээний сувилагч, нийгмийн ажилтан нар
ирсэн байна. Тэд энэ удаад зүрхний хагалгаа хийлгэсэн баруун аймгийн
хүүхдүүдээ эргэх, шинээр хагалгаанд орох хүүхдүүдээ сонгох ажлаар иржээ.