Амралтын өдрүүдэд ихэнх нутгаар бороотой
МОНГОЛЫН МЭДЭЭ | БАЙГАЛЬ ОРЧИНУлаанбаатар /МОНЦАМЭ/. Алтай, Хангай, Хөвсгөлийн уулархаг нутгаар маргааш өдөртөө түр зуурын бороо орж, ихэнх нутгаар хална гэж Цаг уур, орчны шинжилгээний газар мэдээлэв.
Энэ сарын
14-18-ныг хүртэлх цаг агаарын
урьдчилсан төлвийг танилцуулж байна.
Баруун аймгуудын ихэнх нутаг, төвийн аймгуудын нутгийн
баруун хэсгээр энэ сарын 14-нд, 15-нд баруун, төв, говийн аймгуудын ихэнх
нутгаар, 16-нд ихэнх нутгаар, 17-нд төв, зүүн болон говийн аймгуудын ихэнх
нутгаар бороо орно. Дуу цахилгаантай. Салхи 14-нд зарим газраар, 15-нд
говь талын нутгаар түр зуур секундэд 18-20 метр хүрч ширүүснэ. 14-нд төв, говь,
зүүн аймгуудын нутгаар, 15-нд нутгийн зүүн хагаст халж Алтай, Хангай, Хөвсгөл,
Хэнтэйн уулархаг нутаг, Тэрэлж голын хөндийгөөр шөнөдөө 6-11 градус, өдөртөө
20-25 градус, говийн бүсийн нутаг, Орхон-Сэлэнгийн саваар шөнөдөө 18-23 градус,
өдөртөө 30-35 градус, бусад нутгаар шөнөдөө 12-17 градус, өдөртөө 25-30 градус
дулаан байна. Бусад хугацаанд сэрүүснэ.