Баярын өдрүүдэд дугаарын хязгаарлалт үйлчлэхгүй

Монголын мэдээ | Хууль
munkhbaatar@montsame.gov.mn
2019-02-04 20:21:33
@s_munkhbaatar

Улаанбаатар /МОНЦАМЭ/. Цагаан сарын баярын бүх нийтээр амрах өдөр буюу энэ сарын 5-10 хүртэл тээврийн хэрэгсэл  улсын дугаарын хязгаарлалтгүй хөдөлгөөнд оролцоно.

НИТХ-ын тогтоолоор амралтын өдөр болон нийтээр тэмдэглэх баярын өдрүүдэд тээврийн хэрэгслийн дугаарын хязгаарлалт үйлчлэхгүй хөдөлгөөнд оролцоно гэж заасан. Монгол түмний уламжлалт цагаан сарын баяр болж байгаатай холбогдуулан энэ сарын 5-10-нд бүх нийтээр амрах Засгийн газрын шийдвэр гарсан юм. Эдгээр өдрүүдэд Тээврийн цагдаагийн албаны бие бүрэлдэхүүн өндөржүүлсэн бэлэн байдалд ажиллах бөгөөд 320 орчим цагдаа, ХСИС-ийн 250 оюутан, олон нийтийн цагдаа зэрэг 800 гаруй алба хаагч хөдөлгөөний аюулгүй байдлыг зохицуулж, хяналт тавьж ажиллана.

Холбоотой мэдээ