Улаанбаатар
Махны экспорт 2016 оноос тав дахин өсчээ
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Үндэсний статистикийн хорооноос энэ оны эхний 11 сарын үзүүлэлтээр хонь, ямаа, үхэр, адууны махны экспортын дүн 70 орчим сая ам.долларт хүрсэн хэмээн мэдээллээ.
Тодруулбал махны экспорт өмнөх оны мөн үеэс 62.9 хувиар буюу 2016 оны эхний 11 сартай харьцуулбал тав дахин өссөн үзүүлэлт аж. Үүнээс хонь, ямааны махны экспорт хамгийн их хэмжээгээр буюу хоёр жилийн хугацаанд 36 дахин өсчээ. Хонин сүрэг нийт малын 45.4 хувь, ямаа 41.2 хувийг тус тус эзэлж буй бөгөөд манай улс жилд 180 орчим мянган тонн мах экспортлох боломжтой гэдгийг албаныхан тодотгож байна.
