Сирийн асуудлаарх гурван талын уулзалт Женевт болно
ДЭЛХИЙН МЭДЭЭ | УЛС ТӨРЖЕНЕВ. /TASS/. Энэ сарын 13-нд Женев хотод Сирийн асуудлаарх ОХУ-АНУ-НҮБ-ын гурван талын уулзалт болно гэж тус хотод дахь НҮБ-д суугаа ОХУ-ын байнгын төлөөлөгч Мария Ходынском-Голенищев мэдэгдэв.
Уулзалт лхагва гарагт болох бөгөөд үүнд ОХУ-ын Гадаад хэргийн дэд сайд Геннадий Гатилов, АНУ-ын Төрийн нарийн бичгийн даргын Ойрхи Дорнодын асуудал хариуцсан зөвлөх Энн Паттерсон нар улсаа төлөөлөн оролцох бол НҮБ-ыг төлөөлж, тус байгууллагын Ерөнхий нарийн бичгийн даргын Сирийн асуудал хариуцсан тусгай төлөөлөгч Стаффан де Мистура оролцоно.
Ийм хэлбэрийн уулзалт өмнө нь Женев хот дахь АНУ-ын төлөөлөгчийн газарт 2015 оны 12 дугаар сарын 11-нд болсон билээ. Харин энэ удаагийн уулзалт болох газрыг аюулгүй байдлын үүднээс нууцалж байна.
Д.Нямтулга