Агааржуулах хоолойд орж гацсан байжээ
МОНГОЛЫН МЭДЭЭ | ХУУЛЬБаянзүрх дүүргийн 16 дугаар хороо, 18 дугаар байр мансарднаас иргэн Г согтуугаар агааржуулах хоолойгоор дамжин буух гэж байгаад гацсаныг Аврагчид гаргаж авчээ.
Тодруулбал 6 давхар орон сууцны дээврээс нь агааржуулах хоолойгоор буух гэж байсан аж. Аврагчид иргэн Г-г тус дүүргийн цагдаагийн бүрэлдэхүүнд хүлээлгэж өгчээ.
Мөн Сүхбаатар дүүргийн 1 дүгээр хороо, 2 дугаар байрны зүүн талд байрлах дулааны шугамын худагт 50 орчим насны хоёр эрэгтэй ухаангүй согтуу хэвтэж байсныг Аврах бүлгийн алба хаагчид гаргаж, аюулгүй болгов.
Н.Туяа