ОБЕГ-аас гэр, ахуйн түймрээс сэрэмжлүүлж байна

МОНГОЛЫН МЭДЭЭ | ХУУЛЬ
batsaikhan@montsame.mn
2015-12-10 10:44:56

Сүүлийн өдрүүдэд хүйтний эрч чангарч байгаагаас гэр болон ахуйн үүдэлтэй галын дуудлага эрс нэмэгдсэн байна. Тиймээс цахилгаан хэрэгсэл, шугам сүлжээний ашиглалт, угсралтын буруу холболт зэргийг мэргэжлийн байгууллагаар хийлгэх, өөрсдөө дур мэдэн холболт хийхгүй байх нь зүйтэй гэдгийг ОБЕГ-аас сануулж байна.

Гэр, ахуйн орчинд гарч байгаа гал, түймрийн улмаас  иргэд угаартах, амь насаа алдах, эд хогшил, орон гэргүй болох явдал өвлийн улиралд өсдөг. Тийм учраас  галын аюулаас өөрсдийгөө болон үр хүүхэд, эд хөрөнгөө хамгаалахын тулд пийшингийн галлагаа болон гэр ахуйн цахилгаан хэрэгсэл, шугам сүлжээний ашиглалт угсралтын дүрэм зааврыг зөрчихгүй байх, цогтой үнс, нурмаа ил задгай асгахгүй байх, бага насны хүүхдийг харгалзах хүнгүйгээр гэрт цоожилж үлдээхгүй байхыг Нийслэлийн ОБГ болон ОБЕГ-аас онцлон анхааруулав.

Ж.Батсайхан

 

Холбоотой мэдээ