Улаанбаатар
ХСҮТ-ийн Яаралтай тусламжийн тасаг томографийн аппараттай болов
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Хавдар судлалын үндэсний төв /ХСҮТ/-д “Бидний шинэ үйлчилгээ”-ний нээлт өнөөдөр болов.
Тус төвд Яаралтай тусламжийн тасаг байгуулж, томографийн аппарат суурилуулжээ. Жилд 10 мянга гаруй хүнд үйлчилдэг тус төвд шинээр бүртгэгдэж буй хорт хавдрын 80 орчим хувь нь хожуу үедээ оношлогддог байна. Томографийн аппарат нь хавдрын 75 орчим хувийг илрүүлэх, дүрс оношилгоо, эмчилгээний тактикийг зөв хийхэд маш чухал үүрэгтэй гэдгийг мэргэжилтнүүд хэлж байна. Тиймээс тус төвийнхөн шинэ тоног төхөөрөмжтэй болсноор оношилгоог илүү өндөр түвшинд хийх юм.
Энэхүү аппарат нь нэг удаагийн эргэлтээр 80 зүслэгт зураг авах өндөр хүчин чадалтай бөгөөд гурван хэмжээст зураг боловсруулах, ангиографын зураг авах, автоматаар ясыг харуулах, эрхтний эзлэхүүнийг тодорхойлох зэрэг давуу талтай аж.
Яаралтай тусламжийн үйлчилгээг нэг эмч, хоёр ортой үзүүлж байсан бол 17 эмч, эмнэлгийн ажилтан зүрх судасны хоёр кабинет, зургаан ортой тусламж, үйлчилгээ үзүүлэх боломжтой болгон өргөжүүлжээ.
Өнөөдрийн байдлаар ХСҮТ долоо хоногт дунджаар 30-40 хүнд яаралтай тусламж үзүүлдэг аж.
Тус төвд Яаралтай тусламжийн тасаг байгуулж, томографийн аппарат суурилуулжээ. Жилд 10 мянга гаруй хүнд үйлчилдэг тус төвд шинээр бүртгэгдэж буй хорт хавдрын 80 орчим хувь нь хожуу үедээ оношлогддог байна. Томографийн аппарат нь хавдрын 75 орчим хувийг илрүүлэх, дүрс оношилгоо, эмчилгээний тактикийг зөв хийхэд маш чухал үүрэгтэй гэдгийг мэргэжилтнүүд хэлж байна. Тиймээс тус төвийнхөн шинэ тоног төхөөрөмжтэй болсноор оношилгоог илүү өндөр түвшинд хийх юм.
Энэхүү аппарат нь нэг удаагийн эргэлтээр 80 зүслэгт зураг авах өндөр хүчин чадалтай бөгөөд гурван хэмжээст зураг боловсруулах, ангиографын зураг авах, автоматаар ясыг харуулах, эрхтний эзлэхүүнийг тодорхойлох зэрэг давуу талтай аж.
Яаралтай тусламжийн үйлчилгээг нэг эмч, хоёр ортой үзүүлж байсан бол 17 эмч, эмнэлгийн ажилтан зүрх судасны хоёр кабинет, зургаан ортой тусламж, үйлчилгээ үзүүлэх боломжтой болгон өргөжүүлжээ.
Өнөөдрийн байдлаар ХСҮТ долоо хоногт дунджаар 30-40 хүнд яаралтай тусламж үзүүлдэг аж.
Ж.Болор
