Улаанбаатар
Улсын аварга шалгаруулах тэмцээн Баянхонгорт болно
ОРОН НУТГИЙН МЭДЭЭ | БАЯНХОНГОР
Баянхонгор /МОНЦАМЭ/. Ирэх сард Баянхонгор аймгийн Онцгой байдлын газар Гал түймэр унтраах, аврах 16 дугаар анги байгуулагдсаны түүхт 40 жилийн ой тохионо.
Ойг тэмдэглэн өнгөрүүлэх ажлын хүрээнд Баянхонгор хотноо Монголын Гал унтраах олон төрөлт спорт холбооны "Клубүүдийн 2 дахь удаагийн Улсын аварга шалгаруулах тэмцээнийг ирэх сарын 6-8-ны өдрүүдэд зохион явуулахаар болжээ.
Тэмцээнд Улаанбаатар бүсийн "Ган дуулга", Зүүн бүсийн "Шонхор", Төвийн бүсийн "Од", Хойд бүсийн "Алтангадас", Баруун бүсийн "Алтайн бүргэд" клубүүдийн шигшээ багууд, урилгаар Монгол Улсын Залуучуудын шигшээ баг, Гал түймэр унтраах, аврах 10дугаар анги, Хууль сахиулахын Их сургуулийн Онцгой байдлын сургуулийн баг зэрэг нийт найман багийн шилдэг 60 шахам тамирчин хурд хүчээ сорин өрсөлдөх юм байна. Тамирчид довтолгооны шат, 4х100м, хоёр төрөл, саадтай 100 метр, байлдааны тархалт гэсэн төрлүүдээр өрсөлдөх бөгөөд багийн нийлбэр дүнгээр мөн байр эзлүүлнэ. Шагналын сан 3.3 сая төгрөг байх аж.
Ойг тэмдэглэн өнгөрүүлэх ажлын хүрээнд Баянхонгор хотноо Монголын Гал унтраах олон төрөлт спорт холбооны "Клубүүдийн 2 дахь удаагийн Улсын аварга шалгаруулах тэмцээнийг ирэх сарын 6-8-ны өдрүүдэд зохион явуулахаар болжээ.
Тэмцээнд Улаанбаатар бүсийн "Ган дуулга", Зүүн бүсийн "Шонхор", Төвийн бүсийн "Од", Хойд бүсийн "Алтангадас", Баруун бүсийн "Алтайн бүргэд" клубүүдийн шигшээ багууд, урилгаар Монгол Улсын Залуучуудын шигшээ баг, Гал түймэр унтраах, аврах 10дугаар анги, Хууль сахиулахын Их сургуулийн Онцгой байдлын сургуулийн баг зэрэг нийт найман багийн шилдэг 60 шахам тамирчин хурд хүчээ сорин өрсөлдөх юм байна. Тамирчид довтолгооны шат, 4х100м, хоёр төрөл, саадтай 100 метр, байлдааны тархалт гэсэн төрлүүдээр өрсөлдөх бөгөөд багийн нийлбэр дүнгээр мөн байр эзлүүлнэ. Шагналын сан 3.3 сая төгрөг байх аж.
Тэмцээний шүүгчээр Улсын шүүгч Хурандаа А.Батмөнх, Хурандаа А.Баттөгс, Ш.Батцэрэн, Ч.Цогтбаяр нар ажиллана.
Б.Мөнхзул
Б.Мөнхзул
