Улаанбаатар
Баянхонгор суманд 100 хүүхдийн цэцэрлэг нээлээ
ОРОН НУТГИЙН МЭДЭЭ | БАЯНХОНГОР
Баянхонгор /МОНЦАМЭ/. Баянхонгор сумын Баян-Ойт цогцолборын цэцэрлэгийн өргөтгөл болох 100 хүүхдийн цэцэрлэг ашиглалтад орлоо. Тус цогцолборын барилга өнгөрсөн жил суурь нь тавигдаж, энэ оны дөрөвдүгээр сараас эхлэн “Зүүн Шанд” ХХК 1.2 тэрбум төгрөгийн төсөвтэйгөөр барьж гүйцэтгэжээ.
Одоо тус өргөтгөлд цэцэрлэгийн бага бүлгийн хоёр, ахлах бүлгийн нэг, бэлтгэл бүлгийн нэг анги сургалт хүмүүжлийн үйл ажиллагаа явуулах юм байна.
Баян-Ойт цогцолбор нь 1948 онд Сансар нэртэйгээр байгуулагдсан, Баянхонгор аймгийн сургуулийн өмнөх насны боловсрол олгох ууган цэцэрлэг юм. 2003 оноос Сургууль, цэцэрлэгийн цогцолбор болсон бөгөөд ирэх жил цэцэрлэг байгуулагдсаны 70, цогцолбор болсоны 15 жилийн ойтойгоо золгоно.
Өдгөө тус цогцолборын бага сургууль нь 14 бүлгийн 560 суралцагчидтай бол цэцэрлэг нь долоон бүлгийн 290 хүүхэдтэй. Боловсролын ерөнхий үнэлгээгээр улсын дунджаас дээгүүрт тогтмол ордог ба улс бүс аймгийн математик, сэтгэх чадвар болон бусад олон төрлийн уралдаан тэмцээнд суралцагчид нь өндөр амжилттай оролцдог байна.
Одоо тус өргөтгөлд цэцэрлэгийн бага бүлгийн хоёр, ахлах бүлгийн нэг, бэлтгэл бүлгийн нэг анги сургалт хүмүүжлийн үйл ажиллагаа явуулах юм байна.
Баян-Ойт цогцолбор нь 1948 онд Сансар нэртэйгээр байгуулагдсан, Баянхонгор аймгийн сургуулийн өмнөх насны боловсрол олгох ууган цэцэрлэг юм. 2003 оноос Сургууль, цэцэрлэгийн цогцолбор болсон бөгөөд ирэх жил цэцэрлэг байгуулагдсаны 70, цогцолбор болсоны 15 жилийн ойтойгоо золгоно.
Өдгөө тус цогцолборын бага сургууль нь 14 бүлгийн 560 суралцагчидтай бол цэцэрлэг нь долоон бүлгийн 290 хүүхэдтэй. Боловсролын ерөнхий үнэлгээгээр улсын дунджаас дээгүүрт тогтмол ордог ба улс бүс аймгийн математик, сэтгэх чадвар болон бусад олон төрлийн уралдаан тэмцээнд суралцагчид нь өндөр амжилттай оролцдог байна.
Б.Мөнхзул
