Спортын өндөр амжилт гаргасан тамирчдад олгох шагналын босгыг өндөрсгөлөө
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Аймгийн ИТХ саяхан хуралдаж, 2016 оны 10 дугаар сарын 07-ны өдрийн ээлжит ІІ хуралдаанаар баталсан "Спортын өндөр амжилт гаргасан тамирчин, дасгалжуулагч, шүүгчдийг мөнгөн шагналаар шагнах журам"-д нэмэлт өөрчлөлт оруулж, тавигдах шаардлагын босгыг өндөрсгөлөө.
Уг журмыг анх батлахдаа Дэлхийн аварга, Азийн аварга, Олон улсын тэмцээнд медальт байранд шалгарсан тохиолдолд мөнгөн шагналаар шагнах тухай журамласан бол 2017 оны 17 тоот тогтоолоор "Дэлхийн аварга, Азийн аварга, Олон улсын тэмцээнд 5-аас доошгүй орны тамирчид оролцсон олимпийн тэмцээний төрөлд уг шагналыг олгоно" гэж нэмэлт өөрчлөлт оруулжээ.
Уг журмыг анх батлахдаа Дэлхийн аварга, Азийн аварга, Олон улсын тэмцээнд медальт байранд шалгарсан тохиолдолд мөнгөн шагналаар шагнах тухай журамласан бол 2017 оны 17 тоот тогтоолоор "Дэлхийн аварга, Азийн аварга, Олон улсын тэмцээнд 5-аас доошгүй орны тамирчид оролцсон олимпийн тэмцээний төрөлд уг шагналыг олгоно" гэж нэмэлт өөрчлөлт оруулжээ.
Ийнхүү дээрх шаардлагыг хангаж, спортын өндөр амжилт гаргасан тамирчдад дараах мөнгөн шагналуудыг нэг удаа олгох аж. Үүнд:
№ | Тэмцээн |
Алтан медаль хүртвэл |
Мөнгөн медаль хүртвэл |
Хүрэл медаль хүртвэл
|
1 | Олимпийн тоглолт | 60,000,000 | 30,000,000 | 15,000,000 |
2 | Дэлхийн аварга шалгаруулах тэмцээн | 20,000,000 | 12,000,000 | 7,500,000 |
3 | Азийн аварга шалгаруулах тэмцээн | 5,000,000 | 3,000,000 | 2,000,000 |
4 | Насанд хүрэгчдийн Олон улсын тэмцээн | 500,000 | 400,000 | 300,000 |
5 | Залуучууд, өсвөр үеийн Олон улсын тэмцээн | 400,000 | 300,000 | 200,000 |
6 | Насанд хүрэгчдийн Улсын аварга шалгаруулах тэмцээн | 250,000 | 200,000 | 150,000 |
7 | Залуучууд, өсвөр үеийн Улсын аварга шалгаруулах тэмцээн | 150,000 | 100,000 | 50,000 |
8 | "Казах күрес"-ийн Ази тивийн аварга шалгаруулах тэмцээн | 1,500,000 | 1,000,000 | 500,000 |
9 | Каазах үндэстний "Көкпар" тэмцээний Ази тивийн аварга шалгаруулах тэмцээн | 1,000,000 | 750,000 | 500,000 |
10 | Үндэсний бөх | Улсын аварга цол хүртвэл 100,000,000, Улсын арслан цол хүртвэл 90,000,000, Улсын гарьд цол хүртвэл 80,000,000, Улсын заан цол хүртвэл 70,000,000, Улсын харцага цол хүртвэл 60,000,000, Улсын начин цол хүртвэл 50,000,000 сая төгрөг | ||
11 | Үндэсний сур, шагай, хурдан морины төрлөөр | Үндэсний сурын "Улсын мэргэн", улсын "Алдарт уяч" цол хүртвэл 5,000,000 төгрөг |
Ө.Нурболат