Дэлхийн технологийн салбарын хамгийн баян 10 хүн

dorjkhand@montsame.mn

2017-04-26 10:45:52

МОСКВА. /Spitnik/. “Форбс” сэтгүүлээс хамгийн сүүлд гаргасан дэлхийн хамгийн баян хүмүүсийн жагсаалтын эхний тавынх нь гурав нь технологийн салбараас төрсөн тэрбумтнууд байна. Өнгөрсөн нэг жилийн хугацаанд технологийн салбарын тэрбумтнуудын хөрөнгийн хэмжээ улам нэмэгджээ.

Өнгөрсөн онд технологийн салбараас 23 тэрбумтан шинээр төрснөөр энэ салбарын тэрбумтнуудын тоо 183 болсон байна. Тэдний цэвэр хөрөнгийн хэмжээ нийтдээ 1 их наяд доллароор хэмжигдэж байна.

Дэлхийн хамгийн баян хүн болох “Microsoft” компанийг хамтран үүсгэн байгуулагч Билл Гейтс технологийн салбарын тэрбумтнуудын жагсаалтыг 86 тэрбум долларын хөрөнгөтэйгээр тэргүүлсэн бол удаад нь “Amazon” компанийн захирал Жефф Безос (72.8 тэрбум доллар), “Facebook” компанийн захирал Марк Зукерберг (56 тэрбум доллар) нар оржээ.

Дэлхийн технологийн салбарын хамгийн баян арван хүний жагсаалтыг дороос харна уу!

Билл Гейтс - "Microsoft” компанийг хамтран үүсгэн байгуулагч бөгөөд "Вill and Melinda Gates" сангийн тэргүүн. Цэвэр хөрөнгө: 86 тэрбум доллар
Билл Гейтс:

Жефф Безос - “Amazon” компанийн захирал бөгөөд "Вlut Origin" ХХК-ийг үүсгэн байгуулагч. Цэвэр хөрөнгө: 72.8 тэрбум доллар

Марк Цукерберг - “Facebook” компанийн үүсгэн байгуулагч бөгөөд захирал. Цэвэр хөрөнгө: 56 тэрбум доллар

Ларри Эллисон - "Oracle" корпорацийн тэргүүн. Цэвэр хөрөнгө: 52.2 тэрбум доллар

Ларри Пейж - "Google" компанийг хамтран үүсгэн байгуулагч бөгөөд "Аlphabet" компанийн захирал. Цэвэр хөрөнгө: 40.7 тэрбум доллар

Сергей Брин - "Google" компанийг хамтран үүсгэн байгуулагч бөгөөд "Bayshore Global Management" компанийн захирал. Цэвэр хөрөнгө: 39.8 тэрбум доллар