Улаанбаатар
ЭКСПО-2017-гийн кассууд Казахстан даяар ажиллаж эхэллээ
ДЭЛХИЙН МЭДЭЭ | ЭДИЙН ЗАСАГАСТАНА. /КАЗИНФОРМ/. Казахстан улсын бүх мужийн төвүүд болон Алматы, Астана хотуудад ЭКСПО-2017 үзэсгэлэнгийн тасалбарыг борлуулах албан ёсны тасалбар түгээгүүрүүд ажиллаж эхэллээ.
Мужийн төв бүрт нэг касс ажиллах бол Алматы хотод 2 касс, Астанад 1 касс болон хоёр тикет-оффис ажиллах аж.
Одоогийн байдлаар, «Марвин»-«Меломан» жижиглэн худалдааны сүлжээний 15 цэг болон “Казпочта” компанийн 1000 салбарт ЭКСПО-2017 үзэсгэлэнгийн тасалбарыг борлуулж байна. Энэ долоо хоногт улс даяарх төмөр замын буудлуудын 220 тасалбар түгээгүүрээр зарж эхлэх аж.
Үзэсгэлэнг үзэх тасалбарын үнэ 4000-8000 тенгегийн /12,7-25,4 ам.доллар/ хооронд хэлбэлзэж байна. Хамгийн үнэтэй нь дурсгалын тасалбар бөгөөд 20 мянган тенгегийн үнэтэй аж.
Үүний зэрэгцээ, үзэсгэлэнгийн тасалбарыг Оросын 7 том хотод 45 цэгээр борлуулж эхэлжээ.
ЭКСПО-2017-гийн билетийг борлуулж эхэлснээс хойш 670 мянган ширхэг тасалбар борлуулаад байна. Эдгээрээс 13 хувийг нь гадаадын иргэд худалдан авчээ.
Х.Сарнай
