Улаанбаатар
Хүүхдийн хүчирхийллийн эсрэг кино наадам гурав дахь жилдээ болно
МОНГОЛЫН МЭДЭЭ | СОЁЛ УРЛАГУлаанбаатар /МОНЦАМЭ/. "Найрамдал Ротаракт клуб” ТББ-аас хүүхдийн эсрэг хүчирхийлэлтэй тэмцэх “Милки Вэй” төслийн хүрээнд “Хэрвээ би шидтэн бол” сонирхогчдын богино хэмжээний кино наадмыг ирэх сарын 15-нд зохион байгуулна.
Гурав дахь жилдээ болж буй тус кино наадамд зориулан уралдаан зарласан бөгөөд энэ сарын 26-ныг хүртэл бүтээл хүлээж авах юм. Уралдаанд кино сонирхогч бүхэн оролцох боломжтой. Уралдаанд ирүүлэх богино хэмжээний киног хүүхдийн хүчирхийлэл болон түүнээс гарах үр нөлөөний талаарх мэдээллийг олон нийтэд мэдээлэх, түүнээс урьдчилан сэргийлэх, таслан зогсооход хүн бүрийн оролцоо чухал гэдгийг уриалсан, ухаарал өгсөн байдлаар бүтээх шаардлагатай.
Кино наадмын нийт шагналын сан таван сая төгрөг бөгөөд шалгарсан бүтээлүүдийг ирэх сарын 15-нд "IСinema" кино театрт олны хүртээл болгон, шагнал гардуулах аж.
Ж.Болор
