Улаанбаатар
Сонгуулийн маргаанаас болж Сүхбаатар аймаг төсвөө батлаагүй байна
МОНГОЛЫН МЭДЭЭ | УЛС ТӨРӨнгөрөгч долдугаар сарын 19-нд болсон Сүхбаатар аймгийн Иргэдийн төлөөлөгчдийн анхдугаар хуралдааны шийдвэрийг Дээд шүүх хүчин төгөлдөр гэж үзсэн талаар тус аймгийн АН-ын дэд дарга Д.Хосбаяр болон бусад гишүүд мэдээлэл хийв.
Орон нутгийн ИТХ-ын сонгуулийн дүнгээр МАН, АН тус бүр 16 суудал авсан. Гэтэл МАН түр үнэмлэхээ аваагүй гишүүнийг нэмж хуралдан аймгийн ИТХ-ын дарга, Засаг даргыг тус тус томилсон. 10 дугаар сард нөхөн сонгууль явуулахад АН 17 суудал авч олонх болсон ч Дээд шүүх МАН-ын 17 гишүүний ирцтэй анхдугаар хуралдааны шийдвэрийг хэвээр үлдээжээ.
Өнгөрсөн сарын 5-наас өмнө тус аймаг төсвөө болон Засаг даргын ажлын төлөвлөгөөг батлах ёстой. Гэтэл Сүхбаатар аймаг сонгуулийн маргаанаас шалтгаалж одоог хүртэл төсөв батлаагүй байна гэж тус аймгийн АН-ын гишүүд ярьлаа.
Б.Гаваа
Гэрэл зургийг Н.Батбаяр
