Улаанбаатар
Уран нугаралтын хичээлийг заах дараагийн багш ирлээ
ОРОН НУТГИЙН МЭДЭЭ | БУЛГАН
Булган сумын Соёлын төвд Улаанбаатар хотоос циркчин Л.Төмөрбаатар ирж, уран нугаралтын гимнастик хичээллүүлж эхлээд 2 сарыг үдээд байна. Харин үргэлжлүүлээд Дархан-Уул аймгийн Хөтөл сумын уран нугаралтын багш Г.Түмэнжаргал дугуйлангийн хичээл заахаар ирлээ.
Тэрээр авьяаслаг охидтойгоо ирж уран нугаралтын үзүүлбэр үзүүллээ. Булган аймгийн засаг дарга З.Батзоригийн 2016-2020 онд хэрэгжүүлэх "Хөгжлийн хөтөч" үйл ажиллагааны төлөвлөгөөнд энэхүү уран нугаралтыг хөгжүүлэх зүйл багтжээ. Ирэх жил тохиох аймгийн 80 жилийн ойн баярын үйл ажиллагаан дээр 60-70 хүүхдийн уран нугаралтын үзүүлбэр тоглох төлөвлөгөөтэй ажиллаж байгаа юм. Одоогоор 5-8 насны 60 орчим хүүхэд уран нугаралтын дугуйланд хамрагдаж байна.
П.Батням
