Улаанбаатар
Налайх дүүргийн Засаг даргаар С.Эрдэнэбаярыг дэмжив
МОНГОЛЫН МЭДЭЭ | УЛС ТӨРНалайх дүүргийн ИТХ-ын даргаар Х.Цогцэцэгийг сонгож, Засаг даргаар С.Эрдэнэбаярыг дэмжжээ.
Тус дүүргийн шинэ ИТХ-ын Анхдугаар хуралдаан өчигдөр болж дөрвөн асуудал хэлэлцжээ. Тодруулбал Дүүргийн ИТХ-ын 2016 оны ээлжит сонгуульд олонхийн санал авч ялалт байгуулсан дүүргийн Иргэдийн төлөөлөгчдийн бүрэн эрхийг хүлээн зөвшөөрөх, ИТХ-ын дарга, тэргүүлэгчдийг сонгох болон дүүргийн Засаг даргад нэр дэвшүүлэх гэсэн асуудлуудыг хэлэлцсэн байна. Төлөөлөгчдийн 100 хувийн саналаар ИТХ-ын даргаар Х.Цогцэцэг, хурлын тэргүүлэгчдээр Х.Цогцэцэг, Ф.Мөнхгэрэл, Б.Болормаа, Ц.Цэцгээ, М.Цогт, Г.Дагвадорж, Г.Оюунбат нарыг сонгожээ. Харин дүүргийн Засаг даргаар С.Эрдэнэбаярыг нэр дэвшүүлэн дэмжиж Нийслэлийн Засаг даргад уламжлахаар болсон байна.
Н.Туяа
