Улаанбаатар
ДУНДГОВЬ: 19 сургуульд 76 багш дутагдалтай байгааг мэдээлэв
ОРОН НУТГИЙН МЭДЭЭ | ДУНДГОВЬ
Мандалговь, 2024 оны наймдугаар сарын 21 /МОНЦАМЭ/. 2024-2025 оны
хичээлийн жил эхлэхэд Дундговь аймгийн 19 сургуульд 76 багш, 22 цэцэрлэгт 34
багш дутагдалтай байгааг БШУГ-аас мэдээллээ.
Тодруулбал, тус
аймгийн хэмжээнд бага ангийн багш 8, математикийн багш 5, физикийн багш 6,
англи хэлний багш 9, дуу хөгжмийн багш 5, технологийн багш 6, бусад мэргэжлийн 1-3
багшийн орон тоо сул байгаа юм.
19 сургуулиас Эрдмийн
далай болон Мандал сургууль, Насан туршийн суралцахуйн төв, Гурвансайхан, Эрдэнэдалай, Дэлгэрхангай сумын сургуульд
5-аас дээш багш хэрэгцээтэй байгаа бол бусад сургуулийн хувьд 1-4 багшийн
хэрэгцээтэй байна. Харин Цэгц билиг сургуулийн хувьд багшийн орон тоо гүйцсэн
байна.
22 цэцэрлэгийн хэмжээнд
арга зүйчийн 4, бүлгийн багшийн 8, багшийн туслахын 6, хөгжмийн багшийн 11,
биеийн тамирын багшийн 5 ажлын байр сул байна.
2024-2025 оны
хичээлийн жилийн бэлтгэл хангах, багш нарын сул орон тоог нөхөх зорилгоор
аймгийн БШУГ-аас багш нарын сул орон тооны тухай мэдээллийг ийнхүү нээлттэй
зарлажээ.
