АНУ, Хятадын цэргийн хамтын ажиллагааны чухал механизмуудыг сэргээжээ
ДЭЛХИЙН МЭДЭЭ | УЛС ТӨРНЬЮ-ЙОРК, 2024 оны нэгдүгээр сарын 31 /TASS/. Вашингтон, Бээжин хоёр цэргийн хамтын ажиллагааны хэд хэдэн чухал механизмыг оператив шуурхай түвшинд сэргээсэн тухай АНУ-ын Ерөнхийлөгчийн үндэсний аюулгүй байдлын асуудал эрхэлсэн туслах Жейк Салливан мэдэгдэв.
Цэргийн хамтын ажиллагаа нь "ямар ч үед, ялангуяа хурцадмал үед чухал ач холбогдолтой" гэдгийг тэрбээр онцлон тэмдэглэлээ. Талууд хиймэл оюун ухааны салбарт шинээр яриа хэлэлцээг ирэх хавар хийж эхлэхээр болсныг Америкийн ерөнхийлөгчийн туслах мөн мэдээлжээ. Түүнчлэн БНХАУ-ын Гадаад хэргийн сайд Ван И-тэй Америк, Хятадын удирдагчдын утсаар хийх яриа хэлэлцээний талаар хоёр тал тохиролцсон байна.
2023 оны 11 дүгээр сарын дундуур Сан-Францискод болсон Ази, Номхон далайн эдийн засгийн хамтын ажиллагааны дээд хэмжээний уулзалтын хүрээнд Ши Жиньпин, Байден нар хэлэлцээ хийсний дүнд хоёр орны цэргийн хамтын ажиллагааг сэргээх шийдвэрийг гаргасан юм.