Улаанбаатар
ГССҮТ-ийн гар сарвуу нөхөн сэргээх бичил мэс заслын тасгийг шинэчилжээ
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. ГССҮТ-ийн Гар сарвуу нөхөн сэргээх бичил мэс заслын тасагт иж бүрэн засвар хийж, шинээр ашиглалтад орууллаа.
Тус төвийн зургаадугаар давхарт байрладаг тус тасгийн
цэвэр болон бохир усны шугамыг шинэчлэн сольж, үйлчилгээний ажилтнуудад
зориулсан цэвэрлэгээний ус авах, бохир ус зайлуулах тусгай булан байгуулсан
байна.
Мөн хэвтэн эмчлүүлэгчдийн эмчилгээ, үйлчилгээнд
нийцүүлэн өрөө бүрт гүйдэг хаалга, интернет сүлжээ, 180 градус эргэдэг орны
гэрэл, цахилгаан залгуур суурилуулж, дуу чимээнээс тусгаарлах зориулалтын хавтангаар
ханыг засварлан тохижуулжээ.
Тус тасгийн нийтийн эзэмшлийн талбай буюу коридорт эрчим хүчний хэмнэлт бүхий гурван шатлалт гэрлийн унтраалга, галын дохиоллын систем, авагддаг төмөр дүүжин тааз, хэвтэн эмчлүүлэгчийн өрөө бүрт ариун цэврийн өрөө байгуулж, үйлчлүүлэгчийн ая тухыг хангасан байна.
