Хүүхдийн мөнгийг 22-нд, хөгжлийн бэрхшээлтэй иргэдийн тусламжийг 15-нд олгоно

МОНГОЛЫН МЭДЭЭ | НИЙГЭМ
192@montsame.mn
2022-08-04 17:36:04

Улаанбаатар /МОНЦАМЭ/. ХНХЯ-наас энэ сард олгох халамжийн тэтгэвэр, тэтгэмж, бусад үйлчилгээний хуваарийг мэдээллээ. Наймдугаар сарын 15 болон 25-нд нийгмийн халамжийн тэтгэвэр олгоно.


Мөн 15 болон 25-нд нийгмийн халамжийн асаргааны тэтгэмж, бусад хөнгөлөлт, тусламжийг үзүүлнэ. Онцгой тохиолдлын мөнгөн тэтгэмжийг энэ сарын 15-нд олгоно. Амьжиргааг дэмжих мөнгөн тэтгэмжийг 15 болон 25-нд олгоно.

Алдар цолтон, ахмад настанд олгох хөнгөлөлт, тусламжийг энэ сарын 25-нд үзүүлэх нь. Харин ахмад настан, хөгжлийн бэрхшээлтэй иргэд олгох хөнгөлөлт, тусламжийг мөн 15 болон 25-нд үзүүлнэ.

  • Эцэг эх, олон хүүхэдтэй өрх толгойлсон эх, эцэгт олгох тэтгэмжийг 18-нд,
  • Хүүхдийн мөнгөн хуримтлалыг 22-нд,
  • Ахмадуудад үзүүлэх “Насны хишиг”-ийг 25-нд,
  • Эхийн алдар, одонгийн мөнгөн тусламжийг мөн 25-нд,
  • Олон нийтийн оролцоонд түшиглэсэн халамжийг үйлчилгээг 15-нд олгох хуваарь тус тус гарчээ. 



Холбоотой мэдээ