Э.Цэндбаатар, Б.Чинзориг нар ялалт байгуулав
МОНГОЛЫН МЭДЭЭЗуны олимпийн XXXI наадмын боксын эрэгтэйчүүдийн 56 кг-ын жинд ОУХМ Э.Цэндбаатар Кенийн тамирчин Бенсон Гичару Нжангирутай эхний тулаанаа хийж, ялалт байгуулав.
Э.Цэндбаатар Африкийн аварга Бенсон Байчаруг гурван үеийн туршид илт давуугаар буулган авснаар шөвгийн 16-д шалгарлаа.
Мөн өдөр боксын 64 кг-ын жинд Б.Чинзориг Катарын Тарумалингамтай Туласитай тулалдаж, ялалт байгуулав. Түүний дараагийн өрсөлдөгч 2015 оны дэлхийн аварга ОХУ-ын Виталий Данайцев юм. Тэдний тулаан наймдугаар сарын 14-ний өдөр болно.
Ч.Ариунболд