Улаанбаатар
Б.Хаш-Эрдэнэ, Э.Галбадрах нар “AFC Cup”-ЫН Е хэсгийн тоглолтуудад шүүгчээр ажиллав
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Азийн хөлбөмбөгийн холбоо /AFC/-ноос зохион байгуулдаг клубүүдийн томоохон тэмцээнүүдийн нэг “AFC Cup” тэмцээний Е хэсгийн тоглолтууд дээр Монгол шүүгчид амжилттай ажиллажээ.
Тодруулбал, АХБХ-ны
талбайн элит шүүгч Б.Хаш-Эрдэнэ, АХБХ-ны элит туслах шүүгч Э.Галбадрах нар тус
тэмцээний нийт дөрвөн тоглолтыг дэнслэв.
Э.Галбадрахын хувьд анх
удаа олон улсын томоохон тэмцээнд томилогдож 2 тоглолтын туслах шүүгч хийлээ. Харин
талбайн шүүгч Э.Хаш-Эрдэнэ хэсгийн эхний тоглолт дээр 4 дүгээр шүүгч хийж,
хэсгийн сүүлийн тоглолт дээр талбайн шүүгчээр ажилласан байна.
Манай улсын 2 шүүгч өчигдөр болсон “ЦСКА Памир” болон “Нефтчи” клубүүдийн тоглолт дээр хамтдаа ногоон талбайд гарч шүүн, улсынхаа нэрийг тивийн хэмжээний том тэмцээнд дуудуулжээ.
