Улаанбаатар
Сумдын сургууль, цэцэрлэг, дотуур байрны нүхэн жорлонг солино
ОРОН НУТГИЙН МЭДЭЭ | ХЭНТИЙ
Хэнтий /МОНЦАМЭ/ Улсын хэмжээнд хөдөө орон нутгийн ЕБС, цэцэрлэг, дотуур байрны нүхэн жорлонг орчин үеийн стандарт, шаардлагад нийцсэн ариун цэврийн байгууламжаар солих төслийг хэрэгжүүлж эхлээд байна.
Тус ажлын хүрээнд 17 аймгийн 819 объектыг 3 ээлжээр шинэчлэн сайжруулах бөгөөд Хэнтий аймгийн Хэрлэн, Баянхутаг, Мөрөн, Жаргалтхаан, Өмнөдэлгэр, Галшар, Батноров, Баянмөнх, Дархан, Дадал, Батширээт сум болон Өлзийт, Бэрх, Хэрлэнбаян-Улаан, Гурванбаян тосгодын ЕБС, цэцэрлэг, дотуур байр хамрагдах аж.
Энэхүү ажлын хүрээнд БШУЯ болон БХТөвийн хамтарсан ажлын баг, тус аймгийн ажлын багтай хамтран Хэрлэн, Баянхутаг, Мөрөн, Батноров, Өлзийт, Хэрлэнбаян-Улаан сум, тосгодод ажиллаж технологийн шийдэл болон байршлыг сонгон хэмжилт хийжээ. Мөн Засаг даргын орлогч Л.Батсайханаар ахлуулсан аймгийн дэд зөвлөлтэй уулзалт зохион байгуулж санал бодлоо солилцсон байна.
