Ихэнх суманд хүчтэй салхи, шороон шуургатай
ОРОН НУТГИЙН МЭДЭЭ | ХОВДХовд /МОНЦАМЭ/. Ойрын өдрүүдэд Ховд аймгийн ихэнх сумын нутгаар хүчтэй салхи, шороон шуургатай байх тул болзошгүй эрсдэлээс сэргийлэхийг УЦУОШТ-өөс анхаарууллаа.
Маргааш буюу дөрөвдүгээр сарын 8-ны өдөр Ховд, Зэрэг, Мөнххайрхан, Чандмант, Мөст, Манхан, Дарви, Дуут, Эрдэнэбүрэн
сумын нутгаар салхи баруун өмнөөс баруун хойш чиглэлд секундэд 18-20 метр,
зарим үед секундэд 24 метр хүрч ширүүснэ.
Мөн
цаг агаарын урьдчилсан төлөв мэдээгээр салхи дөрөвдүгээр сарын 9-нд ихэнх
нутгаар секундэд 7-12 метр, зарим газраар секундэд 13-15 метр, Алтайн салбар
уулсаар секундэд 16-18 метр хүрч ширүүснэ. Бусад хугацаанд баруунаас секундэд
4-9 метр байх төлөвтэй.
Ташрамд, Хүн болон байшин барилгад үзүүлэх салхины нөлөөлөл секундэд 7-12 метрт модны бүдүүн мөчир савлана.
Салхины хурд секундэд 15-17 метрт мод ганхаж, мөчир хугарч эхэлнэ. Салхины эсрэг явахад хэцүү болно. Байшин барилгын орчмоор салхи исгэрч эхэлнэ.
Салхины
хурд секундэд 18-20 метрт мод савалж мөчир хугарна.
Салхины
хурд секундэд 26-28 метрт барилга байгууламж гэмтэж эхэлнэ. Салхины хурд
секундэд 30-32 метрт хүрвэл сүйтгэл учруулна. Мод үндсээрээ ховхорно.