Улаанбаатар
Үхэр жилтнээ эерэг сайн хэмээжээ
ЛАВЛАГАА
Улаанбаатар /МОНЦАМЭ/. Өнөөдөр аргын тооллын
гуравдугаар сарын 09. Лхагва гараг. Билгийн
тооллын XVII Жарны "Буян үйлдэгч" хэмээх Усан бар жилийн хаврын дунд
харагчин туулай сарын 07. Буд гараг. Чөлөөт эх одтой, долоон улаан мэнгэтэй,
цагаагчин тахиа өдөр.
Өдрийн наран 7 цаг 18
минутад мандан, 18 цаг 48 минутад жаргана. Тухайн өдөр үхэр жилтнээ аливаа
үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв
үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын
хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх,
авах үнэт эрдэнийн зүйл авах, гаргийг тахих, хагалгаа хийлгэх, гэрэ бүрэхэд
сайн. Мод суулгах, нарийн зөвлөгөөн хийх, улаа гаргах, хиншүү хярвас гаргахад
муу.
Өдрийн сайн цаг нь хулгана,
бар, туулай, морь, хонь, тахиа болой. Хол газар яваар одогсод баруун хойш мөрөө
гаргавал зохистой. Хүүхдийн сэвлэг үргээлгэх буюу үс засуулахад тохиромжгүй
хэмээжээ.
