100 суудлын тэрэг Замын-Үүд-Эрээний чиглэлд зорчино
ОРОН НУТГИЙН МЭДЭЭ | ДОРНОГОВЬДорноговь аймгийн Замын-Үүд сумын ЗДТГ болон БНХАУ-ын Эрээн хотын Засгийн ордны хамтын ажиллагааны дагуу Эрээн хотод түр зөвшөөрлөөр гуравдагч орны 100 суудлын автомашиныг нэвтрүүлэхээр болжээ.
Өөрөөр хэлбэл Замын-Үүдээс Эрээн рүү зорчигч тээвэрлэдэг “Уаз 469” авто машинуудын нэгэн адил хоёр улсын хилийн хооронд суудлын авто машин хүн тээвэрлэхээр болж байгаа юм.
Зорчих тээврийн хэрэгслийн бүртгэлийг Замын-Үүд сумын ЗДТГ-т хийж эхэлсэн бөгөөд тээврийн хэрэгсэл нь Дорноговь аймгийн улсын дугаартай, бүх жинь 3500 кг-аас хэтрэхгүй, зүүн гар талдаа жолооны хүрдтэй, эзэмшигч нь Замын-Үүд суманд нэгээс доошгүй хугацаагаар оршин суусан байх шаардлагатай аж.
Одоогоор тус сумын 60 гаруй иргэн зорчигч тээврийн үйлчилгээ эрхлэхээр бүртгүүлээд байна.
Х.Эрдэнэбулган