Засаг даргад нэр дэвшүүлэх асуудлыг 10 хоног хойшлуулав
ОРОН НУТГИЙН МЭДЭЭ | ХОВДХовд аймгийн ИТХ-ын анхдугаар хуралдаан мөн өдрийн шөнийн 22 цаг хүртэл үргэлжилж, хүн бүрт хүлээлт үүсээд байгаа Ховд аймгийн засаг дарга хэн болох талаар хэлэлцлээ.
МАН-ын бүлгийн дарга М.Ганзориг хуралдаанд оролцогчдоос зөвшөөрөл авах санал байна гээд Анхдугаар хуралдааны дэгийн 4-ийн 18 дахь заалтад үдээс өмнөх хуралдаанд өөрчлөлт оруулсны дагуу Ховд аймгийн засаг даргад нэр дэвшүүлэх асуудлыг 10 хүртэлх хоногийн хугацаатай хойшлуулж өгөхийг хүслээ.
Түүнийг саналыг төлөөлөгчид дэмжиж, энэ оны 7 дугаар сарын 25-ны өдрөөс эхлэн хуралдаанаа 10 хоног хойшлуулж, анхдугаар хуралдаанаа нээлттэй үлдээлээ гэж Ховд аймгийн ИТХ-ын дарга Г.Пүрэвганди мэдэгдэв..
А.Бямбасүрэн