Сүхбаатар аймагт коронавирусний халдвараар нэг иргэн нас барлаа

Орон нутагт | Сүхбаатар
odonchimeg@montsame.mn
2021-04-16 13:19:14

Сүхбаатар /МОНЦАМЭ/. Аймгийн Нэгдсэн эмнэлгийн тусгаарлах эмнэлэгт хэвтэн эмчлүүлж байсан 62 настай /эрэгтэй/ иргэн коронавирусний халдварын нэн хүнд хэлбэрээр энэ сарын 15-ны орой нас барлаа.

Тэрээр чихрийн шижингийн архаг өвчлөлтэй байсан бөгөөд коронавирусний халдвар авсан нь 4 дүгээр сарын 12-нд батлагджээ. Улмаар Сүхбаатар сумаас зөөвөрлөгдөн ирж эмчлүүлж байсан бөгөөд уушгины хүнд хатгалгаа болж, эмчилгээний хоёр дахь өдөр нас барсан аж. Тухайн иргэний оршуулгын ажлыг аймгийн Онцгой комиссоос зохион байгуулахаар бэлтгэл ажилдаа оржээ.

Холбоотой мэдээ