БНСУ-д 18500 орчим хүн “COVID-19”-ийн вакцин хийлгэжээ

ДЭЛХИЙН МЭДЭЭ | НИЙГЭМ
khulan@montsame.gov.mn
2021-02-27 11:50:20

СӨҮЛ. /Yonhap/. БНСУ-д “COVID-19”-ийн эсрэг вакцинжуулалтын хөтөлбөрийг эхлүүлсэн эхний өдөрт 18500 орчим хүн вакцин хийлгэлээ гэж тус улсын Дотоод хэрэг, аюулгүй байдлын асуудал хариуцсан сайд Жён Хэ Чоль өнөөдөр мэдэгджээ.


Түүний мэдээлснээр, улсын хэмжээнд баасан гарагт 18489 эмнэлгийн ажилтан, асрамжийн газрын өвчтөн “AstraZeneca” компанийн хоёр тунт вакцины эхний тунг тариулжээ. Вакцин хийлгэсэн хүмүүст толгой өвдөх, халуурах зэрэг хөнгөн шинж тэмдгээс өөр ноцтой гаж нөлөө илрээгүй байна.


Мөн БНСУ-д өнөөдрөөс “Pfizer” компанийн вакцины эхний хэсэг болох 58500 тунг эмнэлгийн ажилтнуудад тарьж эхэлсэн бөгөөд дараагийн 500 мянган тун вакциныг ирэх гуравдугаар сарын гурав дахь долоо хоногоос хүлээн авч эхлэх төлөвтэй байгаа ажээ. 

Холбоотой мэдээ