Чөлөөт бөхийн тамирчид олимпын эрхийн 2 тэмцээнд оролцоно

Монголын мэдээ | Спорт
dusem11@yahoo.com
2021-02-21 09:23:12

Улаанбаатар /МОНЦАМЭ/. “Токио-2020” зуны олимпын наадамд чөлөөт бөхийн төрөлд өнөөгийн байдлаар Ази тивийн төлөөлөл нийтдээ 31 эрх аваад байна.


Тухайлбал, Япон 7, Казахстан 6, БНХАУ 5, Энэтхэг 4, Монгол, Иран, БНАСАУ тус тус хоёр, Узбекистан, Кыргызстан, Сири тус бүр нэг эрх авчээ.


Ирэх дөрөвдүгээр сарын 9-11-нд Казахстаны Алматы хотод болох Азийн тивийн олимпын эрх олгох тэмцээний олимпын жин тус бүрийн эхний хоёр буюу алт, мөнгөн медальт тамирчдад олимпын эрх олгоно.


Энэхүү тэмцээнийг залгуулаад манай тамирчид дөрөвдүгээр 12-17-нд тус хотод тивийн аваргад хүч үзэх юм. Хэрэв Дэлхийн аварга шалгаруулах тэмцээн, тивийн аваргад эрхээ авч чадаагүй тамирчин сүүлийн боломж буюу тавдугаар сарын 6-9-нд Болгарын нийслэл Софид болох олимпын эрхийн цорын ганц тэмцээнээр олимпын эрх өгөх юм байна.


Ази тивээс эрх авсан тамирчид: Эрэгтэйчүүдийн 57 кг: 3. Нурислам Санаев (Казахстан), 3. Рави Кумар (Энэтхэг), 5. Реза Атри (Иран)


65 кг: 2. Даулет Ниязбеков (Казахстан), 3. Бажранг Пуния (Энэтхэг), 5. Төмөр-Очирын Тулга (Монгол), 5. Такүто Отогүро (Япон)


74 кг: 5. Мао Окүи (Япон), 5. Дайнар Кайсанов (Казахстан)


86 кг: 1. Хассан Яздани (Иран), 2. Деепак Пуния (Энэтхэг)


97 кг: 5. Алишер Ергали (Казахстан)


125 кг: 3. Дэн Живей (БНХАУ), 5. Бажа Хутаба (Сири), 5. Ядоллах Мохеби (Иран)


Эмэгтэйчүүдийн 50 кг-д: 3. Валентина Исламова (Казахстан), 5. Сун Янань (БНХАУ)


53 кг: 1. Пак Йон Ми (БНАСАУ), 2. Майю Мүкаида (Япон), 3. Пан Киану (БНХАУ), Винеш Фогат (Энэтхэг)


57 кг: 1. Рисако Кавай (Япон), 2. Рон Ниннин (БНХАУ)


62 кг: 1. Аусулуу Тыныбекова (Кыргызстан), 3. Юкүко Кавай (Япон), 5. Рим Жон Сим (БНАСАУ)


68 кг: 3. Соронзонболдын Батцэцэг (Монгол), 5. Сара Дошо (Япон)


76 кг: 2. Хироэ Минагава (Япон), 5. Эльмира Сыздыкова (Казахстан), 5. Зоу Киан (БНХАУ)

Холбоотой мэдээ