Хөгжлийн бэрхшээлтэй хүүхдийн сэргээн засах төв өдөрт 500 хүүхдэд үйлчлэх боломжтой

МОНГОЛЫН МЭДЭЭ | НИЙГЭМ
oyundelger@montsame.gov.mn
2021-01-27 19:09:36

Улаанбаатар /МОНЦАМЭ/. Хөгжлийн бэрхшээлтэй хүүхдийн сэргээн засах төв нь харьяалал харгалзахгүйгээр өдөрт 500 хүүхэд хүлээн авах хүчин чадалтай.


Тус төв нь хөгжлийн бэрхшээлтэй хүүхдэд нотолгоонд тулгуурласан эрүүл мэнд, боловсрол, нийгмийн сэргээн засах төрөлжсөн мэргэжлийн гурав дахь шатлалын тусламж үзүүлдэг.


ХНХ-ын Дэд сайдын үүрэг гүйцэтгэгч С.Зулпхар Хөгжлийн бэрхшээлтэй хүүхдийн сэргээн засах төвийн ажилтай танилцаж, тус төвийн үндсэн чиглэл болон хийж хэрэгжүүлж байгаа болон цаашид хэрэгжүүлэх ажил, тулгамдсан асуудлын хүрээнд санал солилцож, чиглэл өглөө.


Статистик мэдээллээр манай улсад хөгжлийн бэрхшээлтэй, 18 хүртэлх насны 11 мянга гаруй хүүхэд бий. Тэдний 61.4 хувь нь ямар нэг байдлаар боловсрол эзэмшдэг бол үлдсэн 40 орчим хувь нь сурах эрхээ эдэлж чаддаггүй аж. Тусгай сургуульд 1751, ерөнхий боловсролын сургуульд 4753 хүүхэд хамрагдан суралцжээ.

 

Холбоотой мэдээ