Цусны төвд нэн шаардлагатай хөргүүрийг шийдвэрлэхээр болжээ

Орон нутагт | Орхон
orkhon@montsame.mn
2021-01-20 14:52:46
oyuka_hu@yahoo.com

Орхон/МОНЦАМЭ/. Энэ сард Орхон аймагт 215 иргэн цусны донор болжээ. Нэг донороос авсан цус гурван хүний амийг авардаг. Хүний биед агуулагдах таван литр цуснаас нэг удаа 350-400 грамм цус авах нь өчүүхэн бага хэмжээ бөгөөд цусаа өгснөөс хойш эрэгтэйчүүд хоёр, эмэгтэйчүүд гурван сарын дараа дахин цусаа хандивлахыг мэргэжлийн хүмүүс зөвлөдөг байна.

Цусаа тогтмол өгдөг донорууд хэзээ ч цус багадалтаар өвддөггүй, харин ч цус алдалтыг тэсвэрлэх чадвартай болдог байна. Шинээр донор нэмэхээс илүүтэйгээр өмнө цусаа хандивласан доноруудын эрүүл мэндийг хамгаалж, хадгалж үлдэх нь хамгийн чухал байдаг байна.

БОЭТ-ийн Цусны төвийн үйл ажиллагаатай АЗДТГ-ын дарга Д.Соёлчхүү танилцлаа. Ингэхдээ тэдэнд шаардлагатай байгаа хөргүүрийн асуудлыг шийдвэрлэхээр болсон юм. Мөн төрийн албан хаагчдыг эрүүл мэндийн үзлэг, оношилгоонд хамруулж, сайн дураар цусаа хандивлах үйл ажиллагааг зохион байгуулах гэнэ. 

Холбоотой мэдээ