Дархны үйлд сайн сайн хэмээжээ

ЛАВЛАГАА
dusem11@yahoo.com
2021-01-04 07:24:38

Улаанбаатар /МОНЦАМЭ/. Өнөөдөр аргын тооллын 2021 оны нэгдүгээр сарын 04. Даваа гараг. Билгийн тооллын XVII жарны "Хотолыг баригч" хэмээх Шороон хулгана жилийн өвлийн дунд шар хулгана сарын Билгийн тооллын 21. Сумъяа гараг. Бага морь одтой, Дөрвөн ногоон мэнгэтэй, хар хулгана өдөр.

 

Барилдлага: Үхэх

Шүтэн барилдлага: Сэрэхүй

Суудал: Ус

 

Өдрийн наран 8 цаг 41 минутад мандан, 17 цаг 13 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лусыг тахих, хүүхэд үрчлэн авах, хур оруулах, дархны үйлд сайн.

 

Улааны үйл, төлгө тавих, морь уралдах, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар зүүн зүгт одогсод мөрөө гаргавал зохистой. Хүүхдийн сэвлэг үргээлгэх буюу үс засуулахад тохиромжгүй хэмээжээ.

Холбоотой мэдээ