Улаанбаатар
Долоо хоногт илэрсэн халдварын тохиолдол шинэ дээд үзүүлэлтэд хүрчээ
ДЭЛХИЙН МЭДЭЭ | ЭРҮҮЛ МЭНД
МОСКВА. /RIA Novosti/. Дэлхий даяар илэрсэн коронавирусний халдварын тохиолдол долоо хоногийн дотор 4.3 саяар нэмэгдсэн нь дээд үзүүлэлт боллоо гэж Дэлхийн эрүүл мэндийн байгууллага (ДЭМБ) мэдээлэв.
ДЭМБ-аас мэдээлснээр 12 дугаар сарын 7-оос 13-ны хооронд дэлхий даяар 4 329 927 шинэ тохиолдол илэрч, “КОВИД-19”-тэй 75 038 өвчтөн нас баржээ.
Шинэ тохиолдлуудын ихэнх нь өмнөх долоо хоногуудын адил Хойд болон Өмнөд Америкт илэрсэн бөгөөд долоо хоногт нийт 2 сая гаруй халдвар бүртгэгдсэн байна.
ДЭМБ-ын мэдээллээр, цар тахал дэгдсэнээс хойш дэлхий даяар бүртгэгдсэн халдварын нийт тохиолдлын тоо 70 сая давж, 1.6 сая орчим хүн нас баржээ.
