Гэр хорооллын эгнээ, гудамж бүрт гэрэлтүүлэг тавьж байна

Орон нутагт | Хэнтий
odontungalag@montsame.mn
2020-10-09 09:07:53
Хэнтий /МОНЦАМЭ/ Улс болон орон нутгийн төсвийн 1.070 сая төгрөгийн төсөвт өртгөөр аймгийн төвийн таван багийн гэр хороолол, эгнээ гудамж бүрт нийт 1460 ширхэг гэрэлтүүлэг тавьж байна.
Үүнээс 1, 4, 5 дугаар багт 950 ширхэг гэрэлтүүлэг суурилуулах ажлыг “Алсын солонго” ХХК гүйцэтгэсэн бөгөөд 10 дугаар сарын 8-наас эхлэн асаах юм байна. Харин 2,3 дугаар багт 510 ширхэг гэрэлтүүлгийг "Юувокү" ХХК тавьж байна.
Үүний хүрээнд өчигдөр аймгийн Засаг даргын орлогч Ц.Чогсомжав "Юувокү" ХХК-ийн удирдлагуудтай уулзаж 2,3 дугаар багийн гэрэлтүүлгийн ажлыг яаравчлах чиглэл өглөө. Уулзалтаар 10 дугаар сарын 8-нд Баянмөнх багт 190 гэрэл, 10-нд Булаг багт 170 гэрэл, 15-нд Өлзийт багт 50 толгой гэрлийг ашиглалтад оруулахаар тохиролцлоо.
Ингэснээр тус компанийн хариуцсан 510 гэрлээс 410 гэрэл нь ашиглалтад орох бөгөөд үлдсэн 100 гэрлийг энэ сардаа багтаан шийдвэрлэхээр боллоо.
Холбоотой мэдээ