Булаг шандны хэсгийг хязгаарлалтын бүс болголоо

Орон нутагт | Баянхонгор
munkhzul@montsame.mn
2020-09-08 12:36:10
Баянхонгор /МОНЦАМЭ/. Булаг шандны хязгаарласан бүс рүү тээврийн хэрэгсэл нэвтрэхийг хориглосон захирамж гарчээ.
Тодруулбал, Сумын Засаг дарга бөгөөд хотын захирагч Ж.Мөнхсоёлын 2020 оны А/189 дүгээр захирамжийн дагуу Баянхонгор сум /хот/-ын Угалз, Цагаанчулуут, Рашаант багийн нутаг дэвсгэр дэх Оготнотой, Цагаанчулуут, Дунд булгийн эх ундарга, урсацыг хамгаалах, хөрсний элэгдэл, эвдрэл, бохирдлоос урьдчилан сэргийлэх, нөхөн сэргээх зорилгоор булаг шандны хязгаарласан бүс рүү тээврийн хэрэгслээр нэвтрэхийг хориглосон байна.
Хориглосон бүсэд тээврийн хэрэгслээр нэвтэрсэн жолоочид холбогдох хууль, журмын дагуу хариуцлага тооцох аж.
Холбоотой мэдээ