Н.Мустафагийн цолыг хоёр өрөө байраар мялаав
ОРОН НУТГИЙН МЭДЭЭ | БАЯН-ӨЛГИЙБаян-Өлгий /МОНЦАМЭ/. Тулгар төрийн 2229, Их
Монгол Улсын 814, Ардын хувьсгалын 99 жилийн ой, Үндэсний их баяр наадмын
үндэсний бөхийн барилдаанд тав давж улсын начин цол хүртсэн Баян-Өлгий аймгийн
Дэлүүн сумын харьяат, “Өлгийн хүчтэн” бөхийн дэвжээ, “Туран Ворлд” компанийн
бөх Нурланы Мустафад хүндэтгэл үзүүлэх үйл ажиллагаа энэ сарын 5-ны өдөр М.Икей
баатрын нэрэмжит Өлгий хотын төв талбайд боллоо.
Хүндэтгэлийн үйл ажиллагааны үеэр аймгийн
удирдлагууд 2016 онд баталсан "Спортын өндөр амжилт гаргасан
тамирчин, дасгалжуулагч, шүүгчдийг мөнгөн шагналаар шагнах журам"-ын дагуу
шинэ начны цолыг хоёр өрөө байраар мялаав.
Харин “Өлгий хүчтэн” бөхийн дэвжээний Удирдах
зөвлөлийн гишүүн, бизнес эрхлэгч Ж.Нурбек хувиасаа Land cruiser-200 машин
бэлэглэлээ.
Ташрамд сануулахад, Баян-Өлгийнхөн төрийн их баяр наадамд амжилттай барилдаж улсын начин цол хүртсэн тус аймгийн харьяат бөх Б.Баабатцол /2016 он/, Б.Серик /2017 он/ нарын цолыг ч 2 өрөө байраар мялаан урамшуулж байсан билээ.