Улаанбаатар
АНУ-ын банкууд дахь хадгаламжийн хэмжээ 1 их наяд ам.доллароор өсжээ
ДЭЛХИЙН МЭДЭЭ | ЭДИЙН ЗАСАГ
НЬЮ-ЙОРК. /The Wall
Street Journal/. Цар тахлын үед АНУ-ын банкууд дахь хадгаламжийн нийт
хэмжээ энэ оны эхний улиралд 1.04 их наяд ам.доллароор нэмэгджээ.
Америкийн хадгаламжийн даатгалын корпорацийн мэдэгдсэнээр, АНУ-ын санхүүгийн
байгууллагууд дахь хадгаламжийн нийт хэмжээ өмнө нь нэг улиралд 313 тэрбум ам.доллароос
хэтэрдэггүй байжээ. 2012 оны 4 дүгээр улиралд банкууд дахь хадгаламжийн хэмжээ 313
тэрбум ам.долларт хүрч, дээд амжилт тогтоож байсан аж. Энэ оны эхний улиралд
цугларсан 1 их наяд ам.долларын хадгаламжаас 590 тэрбум ам.долларыг нь
Америкийн хамгийн том дөрвөн банк болох “JPMorgan Chase”, “Bank of America”, “Wells
Fargo”, “Citigroup” банкуудын хадгаламжийн данс хүлээн авчээ.
Хадгаламжийн мөнгөний дийлэнх нь 3 дугаар сард банкуудад оржээ. Энэ
үед олон бизнес эрхлэгч коронавирусний цар тахлаас үүдэлтэй эдийн засгийн
хямрал үүсэхээс өмнө их хэмжээний мөнгө хуримтлуулахыг эрмэлзэж байсан аж.
