Улаанбаатар
“Шилдэг сурагч”-ийн үнэмлэх, тэмдэг бэлтгэжээ
ОРОН НУТГИЙН МЭДЭЭ | СЭЛЭНГЭ
Сэлэнгэ /МОНЦАМЭ/. Сэлэнгэ аймгийн Сүхбаатар сумын ЕБ-ын 3-р сургуулийн багш, ажилчид хөл хорио тогтоосон энэ үед сурагчдаа хүндэтгэн, тэдэндээ
амжилт хүсч захидал илгээжээ.
Тус сургуулийн захиргаанаас бүх
суралцагчдаа үнэмлэхжүүлсэн байна. Мөн 7-12-р ангийн сурагчдад хичээл хийх нөхцөл боломжийг нь бүрдүүлэн өгөх үүднээс юнител, мобикомын дататай дугаар бэлэглэжээ. Энэ
жилийн хувьд төгсөх
ангийн сурагчид “хонхны баяр”-аа
тэмдэглэх онцлог агшин байхгүй болсонтой холбогдуулан тэдэнд зориулан тусгайлан бэлэг бэлдсэн байна. Тухайлбал тэргүүний сурагч
хүүхдүүддээ зориулан “Шилдэг сурагч”-ийн үнэмлэх, тэмдэг бэлтгэсэн аж. Энэ бүхнийг тус сургуулийн
удирдлагууд, багш, ажилчид өөрсдийнхөө хүч бололцоогоор хийж гүйцэтгэжээ. Сэтгэл гэдэг юунаас ч илүү чухал. Иймээс үүнийг сурагчиддаа байнга мэдрүүлж байхыг хүссэн юм хэмээн тус сургуулийн захирал Л.Уянга хэллээ. Тэрээр нийт хүүхдүүддээ сурлагын амжилт
хүслээ.
