Монгол, Унгарын археологийн экспедицийн удирдагч асан Эрдели Иштван таалал төгсжээ

boloroo8136@gmail.com

2020-04-09 12:47:42

Улаанбаатар /МОНЦАМЭ/. Монгол-Унгарын археологийн хамтарсан судалгааг дэлхий дахинд алдаршуулсан, Унгар дахь Хүннүгийн судлалыг хөгжүүлсэн археологич, профессор Эрдели Иштван 2020 оны 4 дүгээр сарын 7-нд 88 насандаа таалал төгсжээ.

Тэрбээр Төв Азийн Хүннү, Түрэгийн үеийн олдворын хайгуул, малтлага, судалгааг Унгар улсад танин мэдүүлэх ажилд үнэтэй хувь нэмэр оруулсан юм. Унгар, Монголын хамтарсан археологийн экспедицийн удирдагчаар 1961-1990 онд ажилласан бөгөөд монгол археологичидтой хамтран эрдэм шинжилгээний 12 экспедицэд хээрийн судалгаа, малтлага хийжээ. Монгол дахь судалгааныхаа ажлын үр дүнгийн тухай 2009 онд англи хэлээр “Монгол дахь археологийн экспедицүүд” бүтээл гаргасан байна.

Эрдели Иштван олон залуусын хүсэл сонирхлыг Төв Азийн бүс нутаг, тэр дундаа Монгол Улс руу чиглүүлсэн бөгөөд тэдний ихэнх нь одоо Унгарын шинжлэх ухааны салбарт ажиллаж байна.

Монгол, Унгарын археологийн экспедицийн удирдагч асан Эрдели Иштван таалал төгсжээ

Холбоотой мэдээ

Ханги-Мандалын боомтоор хувийн автомашинаар хил нэвтэрч эхэллээ

Ж.Энхжаргалан: IPO гаргаж 66 хувиа олон нийтэд санал болгоно

“Амгалан” дулааны станцын хүчин чадлыг 116 МВт-аар өргөтгөлөө

О.Номинчимэг: Төв цэнгэлдэхийн ойр орчмын газрыг тусгай хэрэгцээнд авах шаардлага бий

Дугуйн замыг өргөтгөнө

“Баруун бүсийн бизнесийн сэргэлт” форум болно

Гаалийн 4 бүсэд өдөрт 10-15 тонн ачааг хянан шалгаж байна

ӨНӨӨДӨР: "Хүн ам, жендэр, хөгжлийн асуудал" эрдэм шинжилгээний хурал болно

Жао Жи Чиань: Монголд хятад жуулчдын хамгийн их очих дуртай газар нь тал нутаг байдаг

бидэнтэй нэгдэх

Хандалт