Прокурорынхны мэргэжлийн түвшинг тогтооно
МОНГОЛЫН МЭДЭЭ | ХУУЛЬМонгол Улсын Прокурорын байгууллагын тухай хуульд заасны дагуу энэ сарын 2-12-ны өдрийг хүртэл аймаг, сум дундын прокурорын газарт иж бүрэн шалгалт хийж эхэлсэн байна.
Энэ шалгалтаар орон нутагт ажиллаж буй прокуроруудын үйл ажиллагаа, мэргэжлийн түвшинг УЕПГ-ын баталсан удирдамжийн дагуу мэргэжлийн зөвлөл шалгаж дүгнэх юм. Прокурорын мэргэжлийн түвшинг шалгаж тогтооход уг ажлыг чиглүүлж байгаа аж. Шалгалтыг зохион байгуулах Ажлын хэсэг тухайн прокурор бүрийн сүүлийн 3 жилд хийсэн ажлын тоо, чанарын үзүүлэлтийг эхлээд шалгана. Түүний дараа тусгай шалгалт авч, эрүүгийн хэргийн зүйлчлэлийн талаар бодлого бодуулна. Эцэст нь ажлын чанарын үзүүлэлт, бусад асуудлаар ярилцлага хийх аж.
Ж.Батсайхан