Баян-Өлгийд шатахууны үнэ хямдарлаа
ОРОН НУТГИЙН МЭДЭЭ | БАЯН-ӨЛГИЙБаян-Өлгий /МОНЦАМЭ/. Баян-Өлгий аймагт
энэ сарын 18-ны өдрөөс шатахууны жижиглэнгийн үнэ литр тутамдаа
100-150 төгрөгөөр хямдарлаа.
Тухайлбал, тус аймгийн томоохон ханган
нийлүүлэгчдийн нэг “Рысжан” компани АИ-92 бензинийг 100 төгрөгөөр бууруулж
1850 төгрөгөөр, А-80 бензинийг 1750, дизель түлшийг 1950 төгрөгөөр худалдаалж
байна.
Бусад шатахуун импортлогч компаниуд
үнээ хараахан буулгаагүй ч удахгүй хямдрах аж.
Шатахууны үнэ ийнхүү бууж байгаа нь
дэлхийн зах зээлд газрын тосны үнэ болон энэ төрлийн бүтээгдэхүүний хилийн үнэ
буурсантай холбоотой хэмээн мэргэжлийн хүмүүс тайлбарлаж байна.