Удахгүй мөрдөж эхлэх Захиргааны ерөнхий хуулиар сургалт зохион байгуулж байна

Орон нутагт | Сэлэнгэ
erdenechimeg@montsame.mn
2016-04-27 17:46:12

Сэлэнгэ аймагт энэ сарын 26, 27-ны өдрүүдэд Монгол Улсын Хууль зүйн яамнаас 2016 оны 07 дугаар сарын 01-ний өдрөөс дагаж мөрдөх Монгол Улсын Захиргааны ерөнхий хуулиар сургалт зохион байгууллаа.  

Уг сургалт нь аймгийн ИТХ, ЗДТГ, Засаг даргын эрхлэх хүрээний хэрэгжүүлэгч агентлагууд, сумдын ЗДТГ-ын удирдлагууд, ажилтнууд болон иргэний нийгмийнхэнд зориулсан бөгөөд энэ сарын 17-ноос 5-р сарын 1-ний өдрүүдэд орон даяар зохион байгуулагдах ажээ.

Сургалтыг Хууль зүйн яамны Эрх зүйн шинэчлэлийн бодлогын газрын ахлах мэргэжилтэн Ц.Ариунжаргал, Нээлттэй нийгэм форум, Засаглалын хөтөлбөрийн менежер Б.Хишигсайхан нар заалаа. Оролцогчид Захиргааны ерөнхий хуулийн агуулга, үзэл баримтлал сэдвээр Захиргааны ерөнхий хуулийн үйлчлэх хүрээ, Захиргааны байгууллага, түүний эрх зүйн байдал, ангилал, төрөл, Захиргааны үйл ажиллагааны зарчмууд.

Мөн Захиргааны үйл ажиллагаа сэдвээр Захиргааны акт, захиргааны гэрээ, захиргааны хэм хэмжээний акт, Захиргааны бусад үйл ажиллагаа сэдвээр Сонгох боломж, Төлөвлөлт, Захиргааны шийдвэр гаргах ажиллагаа сэдвийн дор Шийдвэр гаргах шат дараалал, Хохирол барагдуулах, Хариуцлага, Захиргааны шийдвэр гүйцэтгэл зэргээр мэдээлэл авсан. Түүнчлэн Захиргааны хэрэг шүүхэд хянан шийдвэрлэх тухай хуулийн талаарх  танилцуулгыг хийлээ.  

Сэлэнгэ аймаг Ч.Отгонцэцэг

Холбоотой мэдээ