Боксчид Амманд олимпын эрхийн төлөө тулалдаж эхэллээ
МОНГОЛЫН МЭДЭЭ | СПОРТУлаанбаатар /МОНЦАМЭ/. Йордан улсын Амман хотноо өнөөдөр /2020.03.03-11/ эхэлж байгаа боксын Ази, Номхон далайн орнуудын Олимпын эрх олгох тэмцээнд Монголын шигшээ багийн тамирчид хүч, ур чадвараа сорино.
Коронавирусний халдвараас болж БНХАУ-ын Ухань хотоос Амман хотод шилжүүлсэн тус тэмцээнд Монгол Улсаас ДАШТ-ний хүрэл медальт, Азийн наадам, Ази тивийн аварга, ОУХМ Э.Цэндбаатар тэргүүтэй 13 тамирчин “Токио-2020” олимпын эрхийн төлөө тулалдахаар очсон юм.
Ташрамд дуулгахад, Амман хотноо баасан гарагт буюу гуравдугаар сарын 6-нд Олон улсын боксын холбоо /AIBА/-ны Ази тивийн форумыг зохион байгуулахаар болжээ.