Улаанбаатар
Банк дээрэмдсэн ах дүү хоёрт 11-13 жилийн ял оноолоо
МОНГОЛЫН МЭДЭЭ | ХУУЛЬНийслэлийн Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхэд Сонгинохайрхан дүүргийн 18 дугаар хорооны нутаг дэвсгэр буюу Таван шард байрлах Худалдаа хөгжлийн банкийг дээрэмдсэн ах дүү хоёрыг шүүсэн байна.
Дээрх шүүх хурлаар ах Д.Бат-Оргилд 13 жилийн ял, дүү Д.Эрдэнэзаяад нь 11 жилийн ял оноосон шийдвэр гаргажээ. Тэд өнгөрсөн онд Худалдаа хөгжлийн банкинд халдаж 380 сая төгрөг дээрэмдэн зугтсан ч цагдаагийнхан шуурхай илрүүлэн баривчилж, Эрүүгийн хуулийн 147.3, 148.2-т зааснаар яллах дүгнэлт үйлдсэн юм.
Ж.Батсайхан
