Улаанбаатар
Үс шинээр үргээлгэх буюу засуулбал өлзийтэй сайн
ЛАВЛАГАААргын тооллын 2016 оны дөрөвдүгээр сарын 22. Баасан гараг. Билгийн тооллын XVII жарны "Муу нүүрт" хэмээгч Гал бич жилийн Хаврын адаг хар луу сарын Билгийн тооллын 15. Сугар гараг. Салхины эх одтой, 3 хөх мэнгэтэй хөх нохой өдөр.
Өдрийн барилдлага: Үл тохирох. Шүтэн барилдлага: Хурьцахуй. Өдрийн наран 5 цаг 55 минутад мандан, 19 цаг 51 минутад жаргана.
Тухайн өдөр морь жилтнээ аливаа үйлийг хийхэд эерэг сайн ба туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лус тахих, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал өлзийтэй сайн.
