Улаанбаатар
Зургаан сарын хугацаанд скүүтэр, мопед, цахилгаан дугуйг хөдөлгөөнд оролцуулахгүй
МОНГОЛЫН МЭДЭЭ | НИЙГЭМ
Улаанбаатар, 2025 оны аравдугаар сарын 20 /МОНЦАМЭ/. Нийслэлийн нутаг дэвсгэрт скүүтэр, мопед, цахилгаан дугуйг өнөөдрөөс эхлэн замын хөдөлгөөнд оролцуулахгүй.
Тодруулбал, Нийслэлийн Засаг даргын 2025 оны аравдугаар сарын 15-ны өдрийн А/1453 тоот захирамжаар замын хөдөлгөөнд оролцогчдын аюулгүй байдлыг хангаж, зам тээврийн ослоос урьдчилан сэргийлэх зорилгоор дээрх тээврийн хэрэгслийг өнөдрөөс эхлэн 2026 оны дөрөвдүгээр сарын 10-ны өдрийг хүртэлх хугацаанд замын хөдөлгөөнд оролцуулахгүй байхаар шийдвэрлэжээ.
Нийслэлийн Засаг даргын А/1453
тоот захирамжийг
Монгол Улсын засаг захиргаа нутаг дэвсгэрийн нэгж түүний
удирдлагын тухай хуулийн 66 дугаар зүйлийн 66.1 дэх хэсэг,
Гэмт хэрэг, зөрчлөөс урьдчилан сэргийлэх тухай хуулийн 8
дугаар зүйлийн 8.2.7 дахь заалт, 10 дугаар зүйлийн 10.2.2, 10.2.3, 10.2.7 дахь
заалт, 13 дугаар зүйлийн 13.1.2 дахь заалт, 27 дугаар зүйлийн 27.1.1, 27.1.3
дахь заалт, 28 дугаар зүйлийн 28.1.5, 28.1.10 дахь заалт, 29 дүгээр зүйлийн
29.1.6 дахь заалт,
Замын хөдөлгөөний аюулгүй байдлын тухай хуулийн 9 дүгээр
зүйлийн 9.3.2, 9.4.2, 9.4.3, 9.4.5 дахь заалт,
Захиргааны ерөнхий хуулийн 28 дугаар зүйлийн 28.1.2 дахь заалт, 37 дугаар зүйлийн 37.7 дахь хэсгийг тус тус үндэслэн гаргасан байна.
Хязгаарласан хугацаанд техникийн шаардлага хангасан мотоцикл, мопедыг бүртгэлжүүлж,
улсын бүртгэлийн дугаар олгох, хяналт тавих нөхцөлийг бүрдүүлэх, түрээслүүлэгч
байгууллагуудтай гэрээ байгуулах ажлыг зохион байгуулах ажээ.
