Токио хотод Олимпын наадмын бэлгэ тэмдгийг байрлуулжээ

ДЭЛХИЙН МЭДЭЭ | СПОРТ
khulan@montsame.gov.mn
2020-01-17 13:10:53

ТОКИО. /Kyodo/. Олимпын наадмын бэлгэ тэмдэг болох цэнхэр, шар, хар, ногоон, улаан өнгийн таван цагаригийг Японы нийслэл Токио хотын “Odaiba” далайн паркад баасан гарагт байрлуулжээ. Ёкохама хотод бүтээсэн уг хөшөө 32.6 метр өргөн, 15.3 метр өндөр ажээ.


“Токио хотын оршин суугчид болон дэлхийн өнцөг булан бүрээс ирэх жуулчид, аялагчдад зориулан Олимпын наадмын уур амьсгалыг бүрдүүлэх зорилгоор хийж буй хотын засаг захиргааны гол санаачилгуудын нэг нь энэхүү хөшөө юм” гэж Олимпын наадмыг зохион байгуулагчид мэдээлсэн байна.


Ташрамд дурдахад, энэ оны наймдугаар сарын 25-наас есдүгээр сарын 6-нд болох Паралимпын наадмын үеэр энэхүү хөшөөг Паралимпын наадмын бэлгэ тэмдгээр солих ажээ. 

Холбоотой мэдээ