Цагаачид Мексик, АНУ-ын хилийн хоорондох гүүрийг хаажээ

Дэлхийд | Нийгэм
Jargal.d@montsame.mn
2019-10-11 12:25:04

МЕХИКО. /AP/. АНУ-ын нутаг дэвсгэрт түр оршин суух хүсэлтийнхээ хариуг хүлээж байгаа 100 орчим цагаач Мексикийн Матаморос мужийг АНУ-ын Техас муж улсын Браунсвилл хоттой холбодог гүүрийг хаасан тухай хэвлэлүүд мэдээлсэн байна.


“Бид хүүхдүүдээ хөл дээр нь босгохын тулд ажил хийх хэрэгтэй байна, амьдрахын тулд дэмжлэг, мөнгө хэрэгтэй байна, бид зүдэрч зовж байна, бидний дотор өвчтэй хөгшид, хүүхдүүд байна” гэж дүрвэгсдийн нэг хэлжээ.


Цагаачдын хэлснээр, тэд Матаморос мужийн шийдвэрийг хүлээхээс залхсан бол АНУ-ын Цагаачлалын алба хүлээж авсан хүмүүсийн шүүгчидтэй хийх уулзалтыг нэгдүгээр сард товлосон байна.


Гүүрийг хаасны улмаас Мексикийн талд эмх замбараагүй байдал үүсжээ. Матаморос мужийн иргэд ажиллаж, суралцахаар өдөр бүр Браунсвилл руу явдаг байна. АНУ-ын хилийн алба гүүрээр гарах замыг хааж, цагаачид хил давахыг оролдож магадгүй байгаатай холбоотойгоор өндөржүүлсэн бэлэн байдалд шилжжээ.


 


Холбоотой мэдээ